Titel: Respek vir ‘n mede Woester

---

Een van die Woes skrywers se werkstukke was onaktief gestel deur een van die kategorie redakteurs en die skrywer het navrae daaroor gehad. Ek het wel toe na die werk gaan kyk en volgens die riglyne wat onlangs publiseer is was die werk nie op standaard volgens die riglyne nie.

Ek het dit met die betrokke skrywer bespreek en die foute was raakgesien. Die skrywer het toe besluit om nie net daardie een stuk oor te skryf nie maar sommer ‘n tweede een want hulle glo dit kan beter gedoen word.

Ek het respek vir so ‘n mens. Iemand wat kritiek kan hanteer en dit as ‘n kans sien om te groei in plaas van ‘n probleem wat jou in jou dop laat kruip. Ek wens almal wil kritiek so benader want jy gaan soveel groei as skrywer. Dit is voordelig vir almal. Die webwerf se kwaliteit sal verbeter, meer mense sal dan die webwerf besoek en so kry alle skrywers meer blootstelling. Ons is almal saam in hierdie bootjie, kom ons probeer ten minste saam roei. Kyk altyd waar jy kan verbeter, jy gaan self deure sien oopgaan wat jy nooit gedink het oopgaan kan nie.