Woes-Nuus

Bladsye:
Deel hierdie werkstuk met jou Facebook vriende

Die tema vir hierdie week se Vandag in Woorde is KOSBAAR. Of soos die Ingelse sê: priceless. Alhoewel sekere mense juis die dinge wat hoog is in prys, as KOSBAAR beskou.

Ek het vanoggend vir iemand gevra om my kinders mooi op te pas, want hulle is vir my KOSBAAR en dis net daar wat ek gewonder het wat ons Woes-skrywers as KOSBAAR sal bestempel. Ek reken toe dat dit mos maklik sal wees om oor dit wat KOSBAAR is, te skryf.

Soms is ’n oomblik in tyd KOSBAAR. Daar is sekere woorde wat meer gereeld aan KOSBAAR gekoppel sal word, as ander.

‘Eerste’ is so woord. My eerste (en sovêr enigste) boek wat gepubliseer is, is beslis KOSBAAR. Vir ander is dit eerste liefde, eerste motor, eerste huis, eerste keer op die verhoog, eerste vakansie anderkant die waters en ag sommer nog ’n horde eerstes.

‘Laaste’ is nog ’n woord wat saam met KOSBAAR uitgespreek word. Die laaste dag op skool, universiteit, by die werk, in my ouerhuis. Of die laaste gesprek met my pa, ma, eggenoot of selfs kind. Die laaste keer wat jy een van hulle gesien het.

Die laaste paaiement op jou huisverband of motorfinansiering. Gebeur dit nog?

‘Beste’ is ook noodwendig KOSBAAR. Jou beste juwele, skoene of vriende. Die beste telling op die gholfbaan, ’n beste tyd in ’n naelloop. ’n Beste hou, ’n beste telling.

Dis nie eers nodig om hard te dink nie, want dit wat KOSBAAR is, is gewoonlik voor in die gedagtes. Dalk is dit iets fisies of iets geestelik. Dalk is dit ’n goue kruis om die nek of ’n houtkruis op ’n koppie.

Kom skryf en vertel: wat is vir jou KOSBAAR.

Boland-groetnis aan al die KOSBARE Woetelinge,
Kiekies.



Spaar Geld op Versekering

Lucky Lottos

Nuutste werk ingestuur binne die afgelope 7 dae


    Geborg deur :

    Van ons ander lede

    Bertha se Stories

    deur natasha dutton

    "...my issues is maar soos joune, my vrese gegrond op ervarings, dinge waarvoor jy ook bang is. Die enigste verskil is, ek is 'n stort mens, geen badprop wat my geparfumeerde water in toom kan hou nie. Die lewe is nie 'n bad vol foam bath nie, nee jong, so maklik is dit nie. Die poepwalms laat jou verstik, nie eers te praat van die vloeistowwe nie! Maar dis die lewe." Wel, nou weet jy wat om van hierdie boek te verwag...



    picture

    Kompetisies

    Kyk watse opwindende kompetisies tans beskikbaar is

    picture

    Nuusbriewe

    Registreer nou om nuusbriewe van Woes te ontvang

    picture

    Winkel

    Woes skrywers wat self publiseer se boeke is in die winkel beskikbaar