Woes-Nuus

Deel hierdie werkstuk met jou Facebook vriende

Die tema vir hierdie week se ‘Vandag in Woorde’ is ‘KRIEWEL’.

Dis ’n woord wat soveel dinge en aksies beskryf. Die idee het my vanoggend getakel toe ek Bokka aanspreek omdat hy lank voor die wekker moet lui, lê en kriewel en my wakker maak. Hy slaap rustig voort en weet van niks, terwyl ek haas-wakker lê en wag vir die skril geskree van die wekker. Of heelwat vroeër as nodig, opspring.

Ewenwel dit laat my toe dink aan al die soorte kriewel wat bestaan:

Daai slang-oog onderduimse vent, want my rug laat kriewel as hy naby kom.

As ek ’n spinnekop gewaar, al is dit net op die TV-skerm, voel ek ’n gekriewel oral op my vel.

As ek gejok het kriewel my gewete.

As ek iemand jammer kry, kriewel my hart.

As ek opgewonde is kriewel daar wurmpies in my maag.

As ek iemand se wond aanskou, kriewel ek op dieselfde plek, uit pure medelye.

Kathare en stof laat my neus kriewel.

’n Sweetdruppel kriewel op my kopvel as ek klaar geoefen het.

As ek weet daar is werk wat lê en wag, kriewel dit sommer oral, sodat ek nie kan stilsit of lê tot ek dit gaan afhandel het nie.

Mens kan kriewel vereenselwig met onsekerheid, skuldigheid, gelukkigheid, geïrriteerdheid en ’n fisiese jeukerige gevoel.

Ek nooi nou ieder en ’n elk wat ’n krieweling in die vingerpunte ervaar, om daarvan ontslae te raak deur vir ons ’n skryfsel op te tower, wat ons harte en tone van lekkerkry sal laat kriewel!

Tot volgende week

Kriewel–groetnis uit die bos uit,
Kiekies.



Spaar Geld op Versekering

Lucky Lottos

Vergete Pioniers

deur neels claasen

n spoorwegroman uit die sestigerjare



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar