Woes-Nuus

Deel hierdie werkstuk met jou Facebook vriende

Hierdie week is die tema vir Vandag in Woorde ‘PA’. Ons vier eerskomende Sondag Vadersdag. Oral waar jy gaan is daar spesiale aanbiedinge en afslagte op items wat dalk ’n goeie geskenk sal uitmaak vir ’n PA. Ongelukkig sal PA teen volgende jaar dieselfde tyd dalk nie eers meer onthou wat hy gekry het nie. En al onthou PA sal hy nie kan uitken watter sokkies watter jaar se persent was nie.

Dit is ’n feit dat nie almal ’n PA kan of wil onthou nie. Baie van ons het nog ’n PA en ander lankal nie meer nie. ’n PA se afwesigheid of teenwoordigheid bepaal gewoonlik hoe die kind in sy eie lewe sal uitdraai.

Kyk na die volgende punte wat jou hopelik sal inspireer om iets te skryf oor die PA of PA-figuur in jou lewe:

  • ’n Les wat jy van PA geleer het om nooit te vergeet nie.
  • Take of stokperdjies waarmee PA hom besig gehou het of nog doen.
  • Unieke gewoontes of sêgoed van PA.
  • Spesiale tye saam met PA.
  • Iets wat jou altyd aan PA laat dink.
  • Dinge wat jy liewer nooit van PA moes geweet het nie.
  • Die PA van jou kinders.
  • Wat beteken PA wees vir jou.

Ek glo nie dis nodig om aan nog idees te probeer dink nie. Elkeen het sekerlik iets wat hulle van of vir PA wil sê. Doen dit hierdie week hier op Woes se werf in die genre van jou keuse. Kom onthou vir PA in geskrewe woorde.

Lekker skryf tot volgende week.
Boland-groetnis,
Kiekies.



Spaar Geld op Versekering

Lucky Lottos

Mari

deur Rachelle du Bois

Die pragtige Mari Wolmarans vat haar seuntjie en vlug weg uit ʼn gewelddadige huwelik. Sy is die rykmanslewe gewoond, maar nou is sy sonder heenkome of inkomste. Sy gaan woon by haar broer Thinus waar sy die aantreklike kunstenaar Dewald Bosman ontmoet. Sy is geskok en verward toe hy aanbied om met haar te trou ter wille van die drie-jarige Dirkie. Sy is nie gereed vir ʼn tweede huwelik nie, maar sy neem tog sy huweliksaansoek aan ter wille van haar seun. Dit sal egter slegs in naam wees tot sy anders besluit. Maar sal sy? Sal sy vir Dewald kan liefkry soos hy vir haar? Dewald is betower deur die verruklike Mari. Sy het sy voete onder hom uitgeslaan en sy enigste begeerte is om haar lief te hê as sy vrou. Die oulike Dirkie kruip vinnig in sy hart en hy neem hom voor om vir hom ʼn toekoms te verseker, want hy kan en hy wil. Vir Mari en vir Dirkie. Sal hy daarin slaag om haar hart te wen?



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar