Woes-Nuus

Deel hierdie werkstuk met jou Facebook vriende

Hierdie week se tema vir Vandag in Woorde is PAD. Elke lewendige mens, wat sy omstandighede ook àl mag wees, stap ’n PAD. Soms is dit ’n gelyk PAD en soms is dit maar bra klipperig.

As ons kyk na die letterlike paaie van ons land en verder noord in die res van Afrika, dan weet ons en sien ons dat as mens nie gereeld herstel, opvul, toegooi en onderhou nie, ontstaan daar gaatjies. En soos Theuns Jordaan se liedjie gaan, ’n gaatjie wat nie aandag kry nie, word later ’n gat en nog later sommer ’n donga. So groot word die gat dat die PAD naderhand onbegaanbaar raak.

Soms is jy op ’n opdraand PAD en soms op ’n afdraande PAD en die een kan so moeilik of gevaarlik wees as die ander. In elke PAD is daar iewers ook ’n kruis-PAD waar jy sal moet kies: Links of regs, vorentoe of omdraai. Jou keuses bepaal die PAD wat jy verder sal stap.

Ons hoor altoos dat die PAD na ’n man se hart, deur sy maag loop, maar hierdie naweek hoor ek dat ons toe deurentyd mislei was. Die PAD na sy hart loop eintlik ses duim laer. Liewe Woes-dame, nou is jy ingelig.

Kom ons dink bietjie aan al die verskillende paaie in die lewe:

-      Reguit PAD of kronkel-PAD.
-      Die PAD van ’n huwelik of ’n vriendskap.
-      Die PAD na mislukking en die PAD na sukses.
-      Grond-PAD
-      Teer-PAD
-      Voet-PAD
-      Wa-PAD
-      Fiets-PAD

Hierdie week vra ons: Vertel vir ons van ’n pad. ’n Lewenspad of die hoofpad na ’n wonderlike plek. Dalk wil jy ons op ’n plaaspaadjie neem of dalk ’n Autobahn.

Ons is gepak, padkos en al. Kom neem ons saam op jou PAD. Jy is aan die stuur!
Moet seblief nie die hase-PAD vat nie, gehoor!

Dan vat ek nou maar eers weer die PAD, tot volgende week.

Boland-groetnis,
Kiekies.



Spaar Geld op Versekering

Lucky Lottos

Sirkeldans

deur Driekie Grobler

'n Bundel vol inspirasie en lewenswysheid, lief en leed, maar ook lewenslesse wat ons daagliks ervaar en leer. 'n Saamlag, saamhuil en saamstap-bundel.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar