Woes-Nuus

Bladsye:
Deel hierdie werkstuk met jou Facebook vriende

Kiekies is hierdie week VOL .... eh .... idees. Kom ons skryf heerlik oor hierdie interessante tema van haar ...


Die tema vir hierdie week is ‘VOL’ en dit is ’n tema wat ‘propvol’ met ‘volop’ moontlikhede is. Seker ook nie vir almal nie. Net vir dié wat ‘vol’ idees en kreatiwiteit is. Dalk ook diegene by wie daar nou ietsie in die verbeelding begin rondspring. Of in die geheue dalk. Ietsie ‘vol’ energie, wat smeek om uitgelaat te word. Ek ken mense wat elke dag hulle gedagtes ‘volstop’ met ’n swetterjoel skryf-planne. Of is ek nou gans te ‘hoopvol’ of te ‘vol-moed’?

Nee, ek glo nie! Jy hoef nie ‘selfvoldaan’, ‘volleerd’ of ‘volmaak’ te wees om iets ‘betekenisvol’ uit jou pen te laat vloei nie. Al wat dit vra is net ’n bietjie ‘volharding’.

Hoor ek dalk iemand roep: ‘volstrek’ nie?

Agge nee, komaan jy is nou sommer ‘vol’ streke. As jy bereid is om jou wonderlike verbeelding en idees ‘voluit’ in te span, sal jy lag-lag aan my versoek ‘voldoen’ en ’n waardige skryfsel sonder moeite ‘voltooi’ en ‘voleindig’. Dit sal ‘voldoende’ wees. Dalk ook ’n ‘volslae’ sukses. En dis ’n ‘voldonge’ feit, nie sommer net iets wat ek uitgedink het nie. Daarvan is ek seker, want ‘volgens’ my oordeel is daar op Woes ’n hele spul ‘volbloed’ skrywers. So…..as iemand wat kán skryf my nou ‘gatvol’ wil maak, moet hy sy kop in die sand druk soos ’n ‘volstruis’.

Nou ja, daai was nou sommer ’n hele ‘bek-vol’ en daarmee gee ek dan nou vir jou ‘volmag’ om vir ons ’n storie ‘volmondig’ op te dis. Jy maak soos jy lus het en hoef aan niemand se vereistes te ‘voldoen’ nie.

En daarmee is my skryf bemoediging nou ‘volbring’ en ‘volstaan’ ek tot ‘volgende’ week. Ek wens jou ’n week ‘vol’ vrede, vreugde en seën toe.

Laat jou pen oorloop met dit waarvan jou hart ‘vol’ is.



Spaar Geld op Versekering

Lucky Lottos

Inge

deur Rachelle du Bois

Inge Bergh is ‘n suksesvolle sakevrou. Sy besit en bestuur haar eie teetuin in die Bergh Kwekery. Sy is gelukkig en tevrede solank sy net genoeg tyd kry om te verdwyn na haar spesiale hoekie by die fontein. Tot haar skok en ontnugtering vind sy een aand iemand anders daar. By haar plek. Wat soek die stil en teruggetrokke buurman, André Grobler, snags in hulle tuin by haar fontein? Hoekom is hy hier waar sy is, nag na nag? En hoekom kan sy nie wegbly nie – wat is dit wat haar snags hierheen bring, net om hom hier te kry? Sal sy ooit verstaan wat dit is wat hom dryf? Sal sy kan verklaar hoekom sy aan die bewe gaan by die blote gedagte aan die aantreklike man met die versluierde oë?



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar