Woes-Nuus

Deel hierdie werkstuk met jou Facebook vriende

Vir hierdie week se ‘Vandag in Woorde’ is dit weer hoogtyd dat ons ’n spik-splinternuwe woord uitdaging doen. Kan jy glo? Die laaste uitdaging was al aan die einde van November verlede jaar gedoen. Ons het nog nie eers ’n uitdaging in 2014 gehad nie. Kan dit wees? Ja dit kan! Tyd is soos water en dit beweeg stroomaf.

Intussen het daar al heelwat nuwe lede bygekom en ek nooi ieder en elk om die uitdaging te aanvaar. Ter verduideliking aan ons nuwe lede en al die ander wat nie meer kan onthou nie, gee ek net gou weer die reëls.

So werk dit:

1.      Ek gee vir jou ses woorde.
2.      Jy moet al ses die woorde gebruik.
3.      Skryf in enige genre. Selfs ’n gorrel is baie welkom.
4.      Gee die ses woorde voor jy begin skryf of skryf dit in skuinsdruk. (Dit help die leser om te sien hoe en waar jy die woorde in jou skryfsel inspan)
5.      Jy mag ’n verbuiging van die woord gebruik om by jou tema aan te pas, solank een van die ses woorde die basis vorm, bv. Vou wat omvou word.
6.      Onthou om die woord ‘Uitdaging’ by jou titel te heg.

Lou

Suurgesig

Perpleks

Neerlê

Kwets

Gort

Laat waai met ’n woord-werpsel. Ons is die ene afwagting!

Bos-groetnis
Kiekies.



Spaar Geld op Versekering

Lucky Lottos

Plek van die Flaminke

deur Rachelle du Bois

Delia Kriel is mede-eienaar van die vakansieoord Zeesig. Haar eerste ontmoeting met Alex Vorster, haar sexy nuwe buurman, laat haar hare rys. Hy jaag haar kat die skrik op die lyf en hy jaag haar die harnas in. Kortom, hy pla haar, vreeslik, aanhoudend. Hy het haar rustige bestaan hier op Zeesig kom versteur en sy is vies, baie vies. Alex se broer, Xander, is die diep een, die stil musikant wat sy hart op Delia se vriendin, Madeleen, verloor het. Hy is koppig en hy weet wat hy wil hê, maar sy is versigtig vir die liefde, want net 'n donkie sal twee keer oor dieselfde klip struikel. En sy is nie 'n donkie nie. Hy is egter die ideale model vir haar beeldhouwerk en haar kunsuitstalling lê voor . . .



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar