Inligting oor Alti Kriel

Bydrae-kategorie: Gedigte

My liefste dogter het in 'n dwelm-hel verval van haar 14de jaar af vir 'n periode van 8 jaar. sy was verslaaf aan heroine en het vir die grootste gedeelte ge-'spike'. In die tyd is ek geskei van haar pa, en my tweede huwelik het ook gevou - die spanning wat dwelmverslawing om die hele familie sit, is onbeskryflik. Niemand het meer geglo dat sy ooit sal regkom nie. Ek moes haar in die helfte van haar matriek-jaar uit die skool uit haal en na 'n rehabilitasiekliniek toe stuur. Eers na nog baie hel, trane, en haar vriend van 7 jaar se dood, het sy stadig tot die besef begin kom dat sy nie so wil lewe nie. Sy is weereens in 'n rehabilitasiekliniek opgeneem het waar hulle haar toe met Bipolere-depressie gediagnoseer het. Sy het begin met medikasie daarvoor en ek glo nou dat sy haarself jare lank al ge-'medikeer' het met dwelms omdat sy nie kon cope met die lewe nie. Sy is nou 7 jaar skoon en het opgemaak vir al die verlore jaar - haar matriek gemaak en verder geswot, getrou en ek het die pragtigste kleinseun ryker geword. Vir alle ouers daarbuite in dieselfde omstandighede - daar is HOOP! Moet NOOIT opgee met jou kind nie. Ek het heelwat geskryf in die tyd wat sy verslaaf was - ek deel graag dit wat ek geskryf het met ander!