Inligting oor ammiemoon

Bydrae-kategorie: Rubrieke, Kortverhale, Gedigte & Musiek en lirieke

---

My verlede is 'n plaaggees
my hart vol roet,
my hede vol slampamper
gif in my gemoed,
ek kyk na einders
na wat more sal bring,
terwyl my gees 'n requiem sing,

tog staan ek vader
vir my desperate hoop,
anders word ek van lewe
en vrouwees gestroop,
nou dans my vingers oor klawers
laat woord in dig kristalliseer,
dat prismas in my denke
dalk ander iets kan leer,
die passie in my bloed
die hunker binne my
sal jy nou tussen woorde
in my verse kry

So lees goed,
lees diep
roem jy lees my raak
pasop dat jy nie deel word
van my pen se verraad
want hy ken die kuns van sluier
selfs ontbloot as hy moet
maar hy is en bly die meester
van my geheime en my goed...


© 2010 Almarie Truter


Volg gerus hierdie link en kyk na foto's van my wereld , my weskus!

http://www.facebook.com/album.php?aid=2041120&id=1596063949&l=fc4c231a63


Ek behou kopiereg op al my geskrewe werke geplaas.
ammiemoon