BennyB se profielblad

BennyB

Inligting oor BennyB

Premium+ Lid Premium+ Lid

Bydrae-kategorie: Artikels, Rubrieke, Kortverhale & Gedigte

Lid vir 7 jaar 2 maande 2 weke 6 dae 7 ure


tussen woorde se oop spasies
https://www.facebook.com/bennybverse

Dis met groot opgewondenheid en ekstase dat ek kan aankondig dat ek my debuutbundel “ Tussen woorde se oop spasies ” Saterdag die 27ste September 2014 beskikbaar sal wees!

Stuur ASB jule epos adresse hier op Fb per inboks of na powerlink68@yahoo.com en ek stuur bestelvorm met al die inligting. Prys is R175 ( posgeld ingesluit).

Hiermee plaas ek ook graag die buiteblad ontwerp asook Oswald Rall Theart se resensie:

Benny Booysen is deel van ʼn generasie digters wat betrokke was in die bosoorlog wat tot-en-met die einde van die tagtiger jare aan die Namibiese grens gewoed het. Hierdie generasie wat aan ʼn eiesoortige uitkyk op die lewe en dissipline gewoond is, is vinnig aan die kwyn. Wat besonders is van hierdie bundel, is dat sy gedigte wat handel oor sy kinderdae, die oorlogsjare en tot en met die hede die unieke periode in die eie besonderse karakter daarvan vaslê.

Soms nostalgies het hy ook geen probleem om die heilige koeie van die samelewing karaktervas neer te pen nie. En op sy eie humoristiese en tong-in-die-kies-wyse slaag hy daarin om sy boodskap klokhelder oor te dra. In hierdie bundel word sy poësie op gereelde basis afgewissel met korter stukke prosa van hoogstaande gehalte. Sy sporadiese plasing van poësie in Engels dui ook op sy briljante beheer oor ʼn tweede taal, wat so min van ons beskore is.

Dit raak vinnig duidelik in sy skrywes, hierdie idiosinkratiese werking van sy digterlike wêreld vergestalt ʼn fyn balans tussen sy abstrakte en konkrete beelde. Hy gebruik sterk satire en raak metafore. Hierdie is ʼn standaard wat hy behou, reg deur sy bundel. Sy eie lewenservaringe en fyn waarnemingsvermoë van beide die mens en die natuur gun die leser die geleentheid om poësie van tydlose aard te ervaar.

Veral opmerklik is dat hy poësie wat handel oor liefde - anders as wat die norm vandag is - met baie teerheid en deernis hanteer. Hy neem ons in sy wêreld waar die vrou as maat nog gerespekteer word. In sy werke is dit baie duidelik dat Benny se lewenservaring wyd is en baie van sy gedigte is gebaseer op sy eie filosofiese benadering tot die lewe. Hierdie filosofie dui op ʼn weldeurdagte aanslag gebaseer op sy lewenservaringe.

Alhoewel hy al vir jare dig, sal sy debuutalbum hom as :”The new kid on the block” daarstel. Hierdie bundel is ʼn baie groot aanwins vir dié wat Afrikaans so bitter lief het en nog glo in die toekoms van ʼn wonderskone taal. Ek sien uit na die bundels wat hy nog moet skryf.

Oswald Rall Theart
(Gepubliseerde Digter)
RUNDU

Augustus 2014

Tyd vlieg ongelooflik vinnig, so kom woorde en idees en net so vinnig gaan hul verby! Ek wens ek het meer tyd gehad om te skryf, foto’s te neem en net te leef. In ander se woorde kan ek stil my tyd vat, inneem, rustig raak en net wees.

Dankie vir almal wat my gehelp het, wat gelees en vriende geword het.
Ek is ook op Facebook onder Benny Booysen en ook op FreeStyle as julle daar met my wil kuier. Gaan sien ook ASB my nuwe foto web werf by www.worldinmylens.net 

BennyB
 



Van liefde en so ...

deur Robelle

Verse oor liefde in blom, in krisis, verlore ... verwerkte grappies in digvorm



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar