Inligting oor Etienne Marais

Bydrae-kategorie: Gedigte

Uit die aard van my beroep bly argitektuur my aktiefste belang uit 'n wye belangstellingsveld wat veteraan motors, warmbloed perde vir ruitersport, jazz en natuurlik Afrikaanse poësie insluit.

As gesin geniet ons die natuur, om te reis, wyd te lees, en as oud vyfkamp atlete bly ons fiks deur te skerm, die skietkuns en perdry.

Dit is 'n besonderse voorreg om vir amper dertig jaar gelukkig getroud te wees, seker omdat my vrou 'n sielkundige is, en om elke dag skeppend te leef.

My registrasie by Woes is as gevolg van my familie en vriende wat my uitgedaag het om my poësie hier te publiseer. Blameer hul dus met my vergunning sou u my werk onaardig vind.