Inligting oor Pierre van Niekerk

Bydrae-kategorie: Artikels, Kortverhale, Gedigte & Gorrel

Doen navorsing op bosluise en het 'n model ontwerp om parasiete strategies te bestuur met die Natuur en hul lewenssiklusse teen hulle te draai. Poog om die lewe n beter plek te laat as wat ek hom gekry het, terug te sit in dubbelformaat wat ek geneem het.

Skryf stories omdat ek dinge in die lewe verloor het, gedigte omdat ek diep verlang, musiek omdat dit iets sê van iemand. Niks is taalkundig reg nie en eintlik maak dit nie saak wat iemand daarvan dink nie. Ek is bly as iemand daarvan hou, maar ek weet regtig nie hoekom sou hulle nie.

Ek het nooit bedoel om te skrywe om erkenning daarvoor te kry nie en, gaan uit protes niks skrywe wat enige iemand wat iets van die Literêre weet sal te beindruk nie. Sal my regtig roof van my vrye gees en my erg beangs maak. Tog wil ek sê, dis lekker om erkenning en glimlagte te kry. 

Ek is 'n alleenloper nie omdat ek skeef is nie, maar omdat die Lewe se pad skeef geloop het en ek predestinaal my pad in daardie tyd en ruimte moet loop ongeag die keuses wat ek vry is om daarin te maak.  Wie weet wat loop vorentoe reg of weer verkeerd? 

Weet nie of ek enigsins moet omgee nie.  Ek dink nie dit help nie.