Dit was reeds donker
Die sterre het geflonker
Onrustig het Hy gewag,
In die vroeë nag.
Hy het geweet hulle gaan kom.
Hulle wou Hom hê, net vir Hom
Hy sou die prys moes betaal
Hulle gaan Hom gou kom haal.
Stilweg het Hy sag geprewel,
In die voornag se newel,:
“My Vader, neem tog hierdie beker weg,
As dit U wil is, is dit reg!”
Meteens het hulle verskyn.
“Daar’s Hy! Gryp Hom voor Hy verdwyn.”
Die soldaat het Hom vasgegryp
Die ander het Hom voort gedryf.
“Dit is die Koning van die Jode”,
Was die volgende woorde.
“Ja, Ek is, was en sal wees,
Ek sal ook almal genees”.
Hulle het hard vir Hom gelag,
Maar eendag kom oordeelsdag!
Dan gaan hulle bitterlik ween,
Oor al hulle sondes heen.
(132 woorde)
|
Druk hierdie gedig
Wys die volgende nuutste werkstuk
