Twee mense in die motor,
liggies wat vonkel in die donker
die see lê turkoois in die maanlig
'n Aand vir liefde
'n Samekoms van twee,
na 'n bitter tyd en dan vrede,
twee siele smelt saam
in die nag se stilte.
Vuurvliegies vlieg in die nag
in die newel op Seinheuwel.
Twee mense vind weer mekaar,
na 'n lang tyd van verlange.
Gelate en tevrede is twee mense,
die versoening was goed,
die liggies by Seepunt vonkel,
die mense het net oë vir mekaar.
Niks sal hulle weer skei!
Die eenheid is nou volmaak,
Hulle is bedoel vir mekaar,
hier op Seinheuwel.
(103 woorde)
|
Druk hierdie gedig
