Ek het gesien elke tweede ekonoom is besig om te sê dat die petrolprys ernstig gaan opgaan. Ek glo daar is ‘n rede dat net elke tweede ekonoom so sê. Elke maand is dit iemand ander wat slegte ekonomiese nuus bring. Ek glo hulle werk soos hierdie rofstoeiers wat mekaar “tag” as die een moeg raak sodat die ander een kan stoei.
Dit maak sin as jy in ag neem watse impak dit het wat hulle sê. So die een maand maak die een helfte van die ekonome hulle aanmerkings terwyl die ander helfte sien en analiseer wat gebeur.
Die opvolgende maand is dit weer die ander helfte terwyl die voriges sien of hulle reg was. So kweek hulle ‘n mark vir hulle inligting. Ek glo nie daar is regtig ‘n ekonomie nie, net bewerings van ‘n groep slim mense.
Nou volgens hierdie slim mense word petrol so duur dat ek dit al as naskeermiddel kan gebruik.
Dit is nie snaaks om te dink dat ek petrol as naskeermiddel te gebruik as jy gereeld jou kar volmaak nie. Op ‘n aand uit ontmoet ek haar. Die aand vlieg verby en ons paaie skei. Sy kom by die huis. Opgewonde soos ‘n sestienjarige oor haar eerste liefde storm sy op haar ouers af. “Mamma. Mamma kan nie glo watse man ek ontmoet het nie. Hy KAN petrol bekostig”. Pappa sit sy koerant neer en knik goedkeurend terwyl hy aan sy pyp trek.
Mamma haal die sjokolade koek uit om te vier en maak sommer vir pappa ook koffie. Die familie word gebel en vertel dat daar nou dalk iemand in die familie gaan wees wat kan rondry.
So al wat ek nog kan sê is dat hierdie boere wat etanol gaan maak om by petrol te voeg hulle agterwêrelde in rat moet kry voor daardie slim mense weer iets sê wat dalk die prys kan verander.
Voor jy jou oë uitvee gaan petrol so duur raak dat buitelug tydskrifte artikels gaan begin skryf oor mense wat die geld het om uit die stad te kom en naweke weg is na jou vriende drie straatblokke verder.
Druk hierdie happie
Wys die volgende nuutste werkstuk
