Almal, behalwe my ma, weet dat seks verkoop. Maar nou sien ek dat bedelaars ook dit agtergekom het en begin verkoop asof dit uit die mode gaan.
Dit is laatmiddag en ek sit weer in die verkeer en staan in ‘n lang tou om oor ‘n besige verkeerslig te beweeg. Dit is hier waar my kakebeen op my skoot geval het soos my mond oopgehang het van skok.
In die normale bedelaars roete stap sy tussen die motors deur met ‘n blikkie in hand en vra vir geld met die mooiste glimlaggie. Maar iets was verkeerd. In plaas van die normale geskeurde of witgewasde klere het, hierdie meisie van omtrent 32, stywe gym klere aan.
Dit is soos straat earobics. Stywe toppie wat lyk soos twee hoofpynpille op ‘n strykplank gevolg deur ‘n stywer broekie wat dit selfs vir ‘n blindeman moontlik sal maak om te sien wat sy te sê het.
Vir alles wat heilig moet hierdie meisie nie in hierdie klere wees nie, wie weet, dalk is ek oppad na ‘n ete toe en dan gaan die gasvrou moerig wees omdat ek nie meer ‘n eetlus het nie.
Ek glo as jy seks verkoop moet jy mooi na die aanbieding daarvan kyk. Ek glo ook jy moet mooi daaroor dink, miskien dit eers by jou ma verby hardloop om te sien wat sy te sê het. Enigiets wat hierdie tiepe flaters wat ek vanmiddag gesien het te vermy.
Willem
(240 woorde)
|
Druk hierdie happie
Wys die volgende nuutste werkstuk
