Hoeveel kinders ry regtig nog fiets skool toe? Ek het by ‘n skool aangeklop vir slypskool vir die Afrikaans-Ekspo en terwyl ek na die saal loop waar ek gaan praat sien ek die fietsloods raak.
Soos ‘n veertienjarige seun se baard is daar plek-plek ‘n fiets te sien. Draai jy om en loer na die hek van die skool sien jy motors staan soos ‘n begrafnis op ‘n klein dorpie.
As kind het ek omtrent elke dag skool toe gery op my fiets. Net op uitsonderlike winters oggende het ma ingestem om my te gaan aflaai. Ek kry maar nog altyd koud. Maar dit is April en die lug is nog lekker warm.
Wat veroorsaak dinge soos die? Kan dit wees dat die koerante nie lieg nie en dat kinders een van die luiste spesies op aarde is. Sien kinders oefening as die vyand en fietsry skool toe is om teen hierdie gevaar van oefening te veg?
Of het Michael Jackson dit reggekry om homself te kloon en dat elke dorp nou sy eie een het? Dit sal beteken dat niks onder die ouderdom van vyftien veilig op die strate kan beweeg nie.
Of kan dit wees dat ouers net meer en meer van hulle eie tyd gee as kinders net vra. As jy mos nee sê vir ‘n kind kan dit al amper as mishandeling gesien word. Wat jy ontneem die kind sy reg om te kry wat hom toekom.
Ek kan nie my vinger na een van die redes wys nie. Ek kyk liewers na al drie saam onder eenoog en kom tot die skok dat ons regtig in ‘n siek wêreld bly.
Druk hierdie happie
