Kyk, as daar nou een ding is wat daagliks oor gelieg word sal dit wees wat mense sê wat hulle aantrek tot ‘n persoon. Almal kom altyd op met die stront van “dis die persoonlikheid wat tel” en “nee geld is nie belangrik nie” ens. ens.
Tot die dag dat iemand ‘n ring om die vinger sit dan begin daardie tor op die prop mos te dink en dan sien sy hoe groot die huise is waarin haar vriendinne bly en watse koel karre hulle ry. Dan wil sy dit ook hê. Sy “verhoer” haarself vir ‘n paar randjies om ‘n supposed beter lewe te hê. Wat sy nie gaan kry nie.
Asseblief moenie dink ek hammer net op vrouens nie. Mans doen dieselfde. Hulle soek mooi boebies en boudjies en dit moet so bly totdat sy 85 is anders word sy vir ‘n jonger model ingeruil. Want jy kan nie ‘n onaantreklike vrou langs jou nuwe BMW sit nie. Dit is teen die reëls van hedendaagse samelewing.
So, nou staan ek tussen hierdie twee dinge. Die een is dat ek ‘n regte werk moet gaan soek en bou aan die dinge wat deesdae belangrik is soos karre, huise en geld. En die ander ding is, as ek dit het, sal ek dan ‘n kwaliteit meisie kry.
Eerstens werk ek vir drome en nie geld nie. Dit is baie meer vervullend. Tweedens wat gaan ek doen met iets wat in die huis ronddwaal en die heeltyd wil decorate met MY geld net sodat haar vriendinne kan dink sy is in.
Nee. Ek gaan nie. Ek wil nie. Maar ek gaan wel ‘n beeld uitstraal na die buite wêreld. Dit gaan beter lyk as die nuutste kar, maerste vrou en nuutste banke in my huis.
Ek gaan aanhou werk aan my drome. Ek gaan aanhou bou aan wie ek is. Diepte gee aan die persoon totdat ek eendag die beeld het wat ek dink saakmaak.
Brad Pitt. Dit is die beeld wat ek soek. Brad Pitt. Maar nie sommer gewoon nie. Ek wil soos Brad Pitt lyk vir ‘n blinde persoon. Dan weet ek dat ek ‘n ware persoon met diepte is.
Want al wat ‘n blinde persoon het om te sien is die innerlike en nie die uiterlike nie. En as jy innerlik soos Brad Pitt vir ‘n blinde persoon kan lyk (aan die skoner geslag) dan glo ek jy is ‘n gelukkige, gebalanseerde persoon. Vir ‘n ander blinde persoon sal jy weer soos sy idol lyk.
Vir die mense wat die vergelyking nie so lekker snap nie veruil die woorde “Brad Pitt” met jou gunsteling bier of brandewyn soort en lees weer. Of as dit ‘n stadige vrou is vervang “Brad Pitt” met “Loads of living” of enige van die ander brands wat jy verafgod.
Willem
(468 woorde)
|
Druk hierdie happie
Wys die volgende nuutste werkstuk
