Soveel keer is ek al oor die vingers getik deur een of ander beter gemanierde persoon as ek. “Ekskuus, dit word nie SO gedoen nie” word aan my verkondig. En hierdie wetters doen dit ook nie discreet nie. Hulle wag altyd om so ‘n statement te maak net wanneer almal toevallig na julle gesprek luister.
1 – 0 vir die ou.
Maar nou ja, ek het ‘n geheime wapen aan my kant. Ek noem dit sommer net plainweg paint stripper en dit is oral beskikbaar. As jy oor 18 jaar is. Paint stripper kom in baie geure soos bier, brandewyn, whiskey ensovoorts.
Een van die mees bekendste paint strippers is Polisie koffie oftewel brandewyn en Coke. Nou, die wonder van paint stripper is waar die kalant wat jou sopas uitgehaal het oor dat jy sosiaal iets verkeerd gedoen het kan val as hy met paint stripper te doen het.
So ek sit maar en wag. Soos hy die vog in sy keel afgooi begin die wange ook rooier en rooier raak. Die skouers sak so bietjie en sy reaksie op vrae raak stadiger.
Sy stem raak so bietjie harder met elke dop. Sy hemp hang meer en meer uit en die grappe word vuiler. Sy meisie kuier nie meer langs hom nie maar het sitkamer toe beweeg waar die tv is.
Gelukkig met my raak ek net rustig en soms baie liefdevol as ek ‘n paar happe in het. So ek kan maar sit en kyk hoe die partytjie van sosiale flop op sosiale flop voor my ontvou.
Ek kan met trots sê dat ek die aand huistoe is as die sosiale koning teenoor iemand wat elke reel gebreek het. Ek glo ‘n boemelaar sou hom skaam vir van die dinge wat die ou gedoen het nie.
So, as jy wil dop, neem in ag wat die gevolge gaan wees. Baie keer kan jy mense seermaak in die proses.
Willem
Sondag, 06 Maart 2005
Die lekker van harde werk
Kyk, ek werk myself skeef soos ‘n kaaskrul die afgelope paar weke. Nie dat ek moan daaroor nie want dit is geld maar dit vat aan jou na ‘n rukkie.
Ek het selfs my naweek omgewerk. Maar al hierdie dinge kom saam tot ‘n paar lekker oomblikke.
Gister na my draf sessie het ek net op die bank gesit en begin musiek luister. EK het dit vir ‘n volle uur gedoen. Terwyl ek werk is daar altyd musiek wat speel maar hierdie is anders.
Hier kan ek sit en dit vir ‘n slag inneem, dit amper drink. Die enigste manier hoe jy so iets kan voel is as jy jou werk met trots afgehandel het. Amper al jou werk ook gesê. Hoekom dink julle is hierdie stukkie laat?
So gaan uit, werk hard en kom geniet dit as jy by die huis kom.
Willem
(467 woorde)
|
Druk hierdie happie
