Projekte: Jeug

Die tema vir hierdie week se vandag in woorde is heel gepas ‘JEUG’. Jeugdag val een dag na Vadersdag. Vaders is die oorsprong van die jeug. Dis ook die Vaders (en Moeders) wat so graag kerm en kla oor die ‘jeug van vandag’ wat te veel so en te min sus. Die jeug wat nie meer weet hoe ... en nog nooit geleer het om te ... en nie naastenby ’n idee het waar geld vandaan kom en of wat ... beteken nie. Nog minder weet hulle hoe om hulle meerdere te behandel en is gans en al te ... of te ...

Daar word geskinder oor die jeug wat geen waardes het nie en ongeskik is en boonop helemaal te bederf is en alles te maklik het, deesdae.  Bederf is nie die jeug se skuld nie, maar die bederwers s’n. Ek het nog altyd geweet dat kinders en mans en troeteldiere net doen wat hulle toegelaat word om te doen.

Hokaai moenie klippe gooi nie, ek is helemaal bewus van die feit dat daar nie ’n enkele Woester is wat oor die jeug kerm nie en ook buitendien nie een Woester is met sulke kinders in die huis nie. Hierdie week word julle uitgenooi om oor julle eie voorbeeldige jeug te skryf en oor ander mense se onhebbelike kinders te skinder. Skinder, ja. Vir een week is dit toetentaal wettig om te skinder.

Niemand sal uit die Woes-huis uitpraat nie.

Skinder in ’n gedig, ’n klaaglied, ’n rubriek, artikel of ’n sappige souserige kortverhaal.  Of wat van ’n artikel vol feite en waarheid? Enige iets is aanvaarbaar en alles is toelaatbaar.

Jeugverhale

Kortverhale

Rubrieke

Gedigte

Musiek & Lirieke

Gorrel

Resensies

Woes-Nuus



Gee my hoop - selfs toe daar geen hoop meer was nie

deur stefan s

Die boek se inhoud gaan hoofsaaklik oor die tema “hoop”. Hoop kan op verskillende maniere of geskep, versterk of vernietig word. Daar word gekyk na faktore wat ʼn direkte of selfs indirekte invloed uitoefen op die hoop wat daar in menseharte bestaan. Die boek is anders as ander deurdat daar aan die einde van elke hoofstuk ʼn gedig van hoop en bemoediging, deur stefan s, geskryf is wat by die tema van daardie hoofstuk aansluit. stefan s is ʼn predikant wat reeds 30 jaar in die bediening staan en in drie gemeentes gedien het. Ek is tans besig met twee afsonderlike kursusse in nood- en traumaberading. Ek is self deur diep waters wat as motivering gedien het vir die skryf van die boek met die spesifieke onderwerp “hoop”.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar