Projekte: Stout

Die tema van ‘Vandag In Woorde’ vir hierdie week is ‘STOUT’. Ek weet vir ’n feit dat daar ’n hele aantal Woestelinge is, wat soms sommer onhebbelik stout is. Ja toe jy, daai vroom gesiggie fnuik my nie!

Sommige is deurlopend stout en ander net sporadies. Hierdie week het ieder en elk die geleentheid om te erken, te bely en te vertel van al die stoutighede wat jy al aangevang het. En as jy nou te vertel het dat jy nog nooit stout was nie, wil ek jou net vra om jou vlerkies reg te skud en jou stralekrans reg te skuif.

Veronderstel dat jou eie stoutigheid nie ’n skryfsel werd is nie, dan is daar sekerlik iemand anders se geite waarvan jy ons kan vertel. Kinders is stout. Troeteldiere is stout. Ander mense se kinders is stout. Pêlle is stout. STOUT kom soms in die vorm van poetse bak. En STOUT kan soms vrek snaaks wees. En soms hand-oor-die-mond onverwags en ongelooflik wees.

Kom ons trek hierdie week ons stoute skoene aan en krap al die verlede se stout geite uit en dis dit op ’n skrywers-bord in die vorm van ’n gedig, rubriek, verhaal of liriek op en bedien jou medeskrywers met ’n sappige lees-happie. Jy mag maar sommer net gorrel ook.

Nou ja ons wag.
Bos-groetnis en stout wees
Kiekies.

Gedigte

Kortverhale

Gorrel

Woes-Nuus



Mari

deur Rachelle du Bois

Die pragtige Mari Wolmarans vat haar seuntjie en vlug weg uit ʼn gewelddadige huwelik. Sy is die rykmanslewe gewoond, maar nou is sy sonder heenkome of inkomste. Sy gaan woon by haar broer Thinus waar sy die aantreklike kunstenaar Dewald Bosman ontmoet. Sy is geskok en verward toe hy aanbied om met haar te trou ter wille van die drie-jarige Dirkie. Sy is nie gereed vir ʼn tweede huwelik nie, maar sy neem tog sy huweliksaansoek aan ter wille van haar seun. Dit sal egter slegs in naam wees tot sy anders besluit. Maar sal sy? Sal sy vir Dewald kan liefkry soos hy vir haar? Dewald is betower deur die verruklike Mari. Sy het sy voete onder hom uitgeslaan en sy enigste begeerte is om haar lief te hê as sy vrou. Die oulike Dirkie kruip vinnig in sy hart en hy neem hom voor om vir hom ʼn toekoms te verseker, want hy kan en hy wil. Vir Mari en vir Dirkie. Sal hy daarin slaag om haar hart te wen?



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar