Projekte: Kombers

Daar is darem min dinge so lekker as om op koue wintersaande binne-in ‘n dik winterskombers op te krul en ‘n lekker boek te lees of jou gunsteling TV program te kyk.  Miskien met ‘n heerlike beker stomende warm sjokolade om jou hande warm te hou. Of om saam met iemand anders onder die kombers op te krul … 
Lyk my mense het ‘n kombers vir elke doel. Ek dink nou aan ‘n babakombersie, oumenskombersie, hekelkomberse, piekniekkomberse, laslappiekomberse en sommer nog vele meer.
Dan is daar ook heelwat ander konnotasies wat ons aan komberse heg. Ons praat van ‘n wolkkombers as die wolke so oor die berge hang, van ‘n liefdeskombers wat jou omvou, ‘n vriendskapskombers … dit laat my nou dink aan ‘n fliek wat ek eenmaal gesien het, “How to make an American Quilt,” waar ‘n paar vriendinne ‘n storie vertel het met lap. Elke blokkie het ‘n spesifieke herinnering opgeroep en uiteindelik ‘n hele paar verhale vertel.
Deel  jou eie kombersstorie met ons en hou ons almal snoesig warm in die winter wat ons bekruip. Lekker skryf!

Onthou asseblief om die woord "kombers" in jou titel te gebruik.

Gedigte

Woes-Nuus

Kortverhale



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar