Winkel

ISBN: 9780620601368 | Datum gepubliseer: 2014-03-03 | Illustreeder: Andre Beukes | Uitgewer: myAfrikaans


Die boek het sy ontstaan daarin dat die skrywer relatief onlangs self ʼn tydperk van diepe beproewing beleef het waartydens hoop ʼn sentrale rol gespeel het. In sy worsteling met vrae sonder oënskynlike antwoorde, het hy opnuut hoop ontdek in die wyse waarop God hom gelei, gedra en versterk het in die geloof. Daar het ʼn dankbare en diepe behoefte ontstaan om hierdie hoop met ander te deel. Dit is sy ervaring as predikant dat die mensdom na ware hoop soek. Daarom is die primêre tema van die boek “hoop”.
Die boek handel oor verskeie positiewe aspekte rondom die tema, maar hanteer ook faktore wat hoop kan bedreig en selfs vernietig. Elkeen se eie aandeel in ander se belewenis van hoop word ook deurlopend onder bespreking gebring.
Wat die boek anders maak as die gewone is dat daar aan die einde van elke hoofstuk ʼn gedig van hoop en bemoediging, deur stefan s geskryf, ingesluit is wat by die tema van daardie hoofstuk aansluit.
Daar is ter wille van afwisseling, ook enkele hoofstukke wat ander relevante temas aanspreek.
stefan s is ʼn predikant wat reeds 30 jaar in die bediening staan en in die tydperk in drie gemeentes gedien het. Prediking en pastoraat is sy passie. Hy is tans besig met twee afsonderlike kursusse in nood- en traumaberading.




Volg net die Skoenlappers

deur Anria

Volg net die skoenlappers ... Binne jou hart is daar vrolike fladderende skoenlappers. Vir elke gevoel, ’n skoenlapper van ’n ander kleur. Wanneer jy gelukkig is, vlieg jou skoenlappers vrolik en vry rond net waar hulle wil wees. Hulle vlieg buite jou hart en reis die wêreld vol. Hulle bring vir jou geluk terug. Nou en dan ontmoet mens iemand wat jou skoenlappers vang en in ’n hok sit. Die helderkleurige skoenlappers vervaal dan ... hulle raak dof en vol stof en as jy nie self besluit om die hok se slot af te breek en jou skoenlappers weer los te laat nie, word hulle almal swart. Maar sodra die son weer ingelaat word, sodra ’n ligte windjie oor die swart skoenlappers waai ... sal die stof sommer self besluit om af te klim en jou skoenlappers se vlerke sal groot oop sprei en hulle sal weer die wêreld invlieg en jy ... dan sal jy weer weet hoe om te lag. Daar is altyd hoop.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar