Winkel

ISBN: 978-0-620-54075-9 | Datum gepubliseer: 2012-07-17 | Illustreeder: 0 | Uitgewer: Elaine Loubser


Daar sien ek myself sit. Twee en veertig jaar oud. Verlate en alleen. Walglik dronk, met net die kouse aan my voete. Dit was koud. Lank na middernag. My lewe, ‘n totale gemors.

Ek sien hierdie hopelose bondeltjie mens wat alles wat goed en mooi in haar lewe was, weggegooi en vertrap het. Terwyl die snikke deur my liggaam ruk, Hoor ek my ma se stem “Elaine, as jy nie ophou drink nie, sal jy laer daal as ‘vis-bollie’ op die seebodem. Jy sal soos jou pa word. Hy het ook as jongmens gedink dis groot pret om so dronk te word.” Ek besef dat dit presies is waar ek my nou bevind. My lewe in die varkhok!
Ek hoor weer André se “ Elaine you are an alcoholic.” My kind se “hierdie díng wat hier voor my staan, is nie my ma nie. Sy is ‘n alkoholis. Ek soek my ma terug!”

Ek hoor myself sê “waar wil jy opeindig? Wil jy op ‘n straathoek gaan staan en jou liggaam verkoop vir jou volgende dop? Kyk waar is jy nou! Kyk hoe lyk jy! Of wil jy eendag rêrig met jou bike van Herolds Hights gaan af ry?” (Ek het dit al so baie oorweeg wanneer die dipressie my pak en ek nie meer die lewe in die oë kon kyk nie.) “Jy het niemand anders om te blameer nie. Hoeveel waarskuwings wil jy nog he? Wat gaan van jou word? Jy het dit alles oor jouself gebring.

Ek dink aan die kruisies op die almenak. Die oop dae word al hoe minder. Die laaste paar maande is daar maar net drie nugter dae na mekaar.

Ek is moeg. Lewensmoeg. Moedeloos. Moeg ge-baklei. Moeg gesukkel. Moeg vir die dipressie. Ek wil nie meer so aangaan nie.

Skielik weet ek verseker. Vannaand moet ek omdraai. Ek moet hulp kry. Ek staan op en sluip huistoe. Gaan paas uit op die bank. Terwyl ek wegsink in my dronk-slaap, weet ek dat ek my laaste dop gehaad het. Nooit weer sal ek drink nie.

Die volgende oggend, toe die dag breek, skrik ek wakker en bid. Here waarheen nou? Vir wie moet ek vra om te help? Ek skryf die moeilikste sms ooit. I am an alcoholic. Please help?

As ek vandag terugkyk, is ek dankbaar vir daardie koue nag. My rock bottom. My omdraai nag. Dit was die eerste dag van die res van my lewe!




Lelani

deur Rachelle du Bois

Lelani Botha bestuur die eksklusiewe boetiek op die dorp. Sy is beeldskoon, stylvol en kunstig. Maar sy dra swaar aan ‘n geheim waarvan niemand weet nie. Tot hul botanis buurman Leon Postma haar eendag betrap in ‘n situasie wat sy nie langer kan wegsteek nie. Hy weet nou baie meer as wat enige ander mens van haar weet en sy verkwalik hom daarvoor. Hy het geen reg om te weet nie. Sy is pragtig, vurig en wantrouig. En sy is in Leon Postma se lyf, in sy kop en sy bloed. Hy sal vir haar ʼn brug oor die water bou wat haar na hom toe sal bring. Of so hoop hy. Maar Lelani bied hewig weerstand teen haar groeiende aangetrokkenheid tot Leon. Sal sy toegee aan die man wat soos ʼn koors in haar binneste kom intrek het? Sal sy uiteindelik die brug na hom toe oorsteek?



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar