Hierdie is n poging wat aangewend gaan word deur die skrywers van Woes om die langste gedig in Afrikaans te probeer ewenaar deur ons eie toetslopie.....n marathon gedig. Ons wil graag die Woes-blad meer bekendstel sodat die leserskring kan uitbrei en Afrikaans sy vastrapplek in die toekoms behou. En soos die gedigte letterlik instroom na die blad week na week, is
die oes ryp!!
Ons glo dat dit n bereikbare mikpunt gaan wees en nooi al die skrywers uit om hulle deel by te dra vir hierdie marathongedig. Die nuwe gedigte sal dan weekliks geplaas word by die spesiale afdeling vir projekte sodat almal kan sien hoe dit vorder. Ek glo nie daar is al op enige ander Afrikaanse webblad so poging suksesvol aangewend nie.
Die publisiteit van die marathon gedig kan dan gebruik word om die blad en sy skrywers wat mekaar ondersteun, meer blootstelling te gee. Wie weet...dalk is dit n groot sukses. As ons nie probeer nie, sal ons nooit weet nie.
Ek sal elke week n tema gee waarvolgens die strekking van die gedigte dan bepaal sal word. Ons gaan poog om vir sowat 3 weke vooruit gedigte te he om te plaas vir ingeval iets sou voorval.
Dus sal ek dan die 3 tema's op die inligtingsblad plaas sodat die skrywers hulle werk kan instuur vir goedkeuring deur my en Willem waarna dit op die spesiale projekteblad geplaas sal word.
Kom doen jou deel vir die Woesblad en Afrikaans ...stuur jou gedig na die volgende e-pos adres: marathongedig@woes.co.za
Baie dankie byvoorbaat....
Meraai vannie baai.
Temas vir marathon gedig:
Week 1 en 2
Ons liefde vir Afrikaans
en wat dit vir ons beteken
Week 3 en 4
Pret in Afrikaans.
Lekker lig tot selfs laf
Week 5 en 6
Diep uit die hart
soos ek voel
Week 7 en 8
Ons toer in Afrikaans
deur SA bv Karoo, Kus, Laeveld
Week 9 en 10
Die vreugdes in my lewe
bv. werk/stokperdjie/liefde en
dankbaarheid/skryf/dig
